kikomontesena

Bday kahapon ng tatay ko, 84 years old na siya at mahina na. Nandoon kaming magkakapatid na umuwi para sa okasyon. Di namin alam, baka ito na ang huli niyang bday na kasama kami, pero huwag pa naman sana. Marami kaming di napagkakasunduan ng tatay ko lalo na noong malakas pa ito. Marami siyang nagawa sa amin at sa nanay ko, pero paunti-unti kinakalimutan ko na ito. Matanda na siya, parang pasas na ang balat, di na nga halos kami nakikilala, di na niya matukoy kung sino ang anak sa kakilala lamang. Pero ako, tingin pa lamang niya kilala na; "ah ito si Rey, ang valedictorian ko, binata pa hanggang ngayon, tapos ay tatahimik siya sa tumba-tumba niya. Madalas idinadaing ang sakit ng likod. Sana itay mapatawad mo rin ako sa mga nagawa ko sa iyo,sa mga hindi masabi-sabi at sa mga ibabaon na lamang natin kapwa sa limot. Magpagaling ka para makasama ka pa naming ng mahabang panahon.

-----------------------------------------------------------------------------------------------------------

Sa Huwebes na ang launching ng Ani35 sa CCP, tinext ako ni Betty para magperform, but I declined kasi din a ako makakapagprepare sa number, ayoko naman ng basta reading lamang. Pasensya na Betty. Sa susunod matagal pa lamang, sabihan mo na ako J